चिरजाएँ

सुवाप री रिद्धु बाई मेहा घर अवतारी
देवी थारै नाम सूं ओ देशाणूं प्रख्यात है
करनल काबांवाली हाथां में त्रिशूल धारी
परचा देवी आप रा जग में विख्यात है
सिंह री करै सवारी राखै मात रखवारी
याद करतां ही मात दौड़ी दौड़ी आत है
चरणां में ठौड़ म्हानैं बगसाओ मेहतारी
द्वार पर आय दीन, ऊबो थारो पात है
      प्रह्लाद कविया प्रांजल

Comments

Post a Comment

Popular posts from this blog

करणी मां के  51 दोहे 1. देवी देशाणै बुला, उण ओरण रे मांय। दही बिलोता डोकरी भगत चराता गाय। 2.देवी देशाणै बुला, बैठूं मढ री ओट। मन में ध्याऊं आपनै, त्याग कपट छल खोट। 3.देवी देशाणै बुला, बीकाणै री नाक। जठै दास तिरिया घणा, दुष्ट हो गया खाक। 4.देवी देशाणै बुला खास्यूं मीठा बोर। दर्शण पाकर आपरा नांचैला मन मोर। 5.देवी देशाणै बुला, बोरडियां री छांव। उन धरणी माथौ धरूं, (जठै) करणी धरता पांव। 6.देवी देशाणै बुला, उण सांचै दरबार। जय जय करणी कर रिया, सीस झुका नर नार। 7.देवी देशाणै बुला, थारै थली रै देस। चरणां चिरजा आपरै करूं चाव सैं पेस। 8.देवी देशाणै बुला, लगा अती मत देर। बेटे रै सिर मावड़ी हाथ नेह सुं फेर। 9.देवी देशाणै बुला, मत अरजी नैं टाल। घट का ताला खोल जो, कट ज्या भव जंजाल। 10.देवी देशाणै बुला राख आपरै सीर। मां बेटो मिल जीमस्यां खांड लापसी खीर। 11.देवी देशाणै बुला, चरणां टेकूं भाल । दुखड़ा दर्शन पावतां, कट ज्यावै तत्काल। 12.देवी देशाणै बुला, उगतो देखूं भाण । मां आशीसां देवजे टाबर भोलो जाण । 13.देवी देशाणै बुला,उण निज मढ रै मांय। मन चंचल जिण द्वार पे...
Read more